دجو بايدەننىڭ اسكەري كەڭەسشىسى، وتستاۆكاداعى گەنەرال ستەنلي ماككريستال سايلانعان پرەزيدەنتكە قىتايدىڭ تايۆانعا ارەكەتىنە قارسى تۇرۋ ۋاقىتى ءوتىپ بارا جاتقانىن ەسكەرتتى.
گەنەرال ماككريستال 2010 جىلى پرەزيدەنت باراك وبامانىڭ جانە سول كەزدەگى ۆيسە-پرەزيدەنت بايدەننىڭ تۇسىندا قىزمەت ەتكەن. وتستاۆكاداعى گەنەرال جۇڭگو اسكەري الەۋەتتى ارتتىرۋ جولىندا ۇلكەن قادامدار جاساعانىن ەسكەرتتى جانە "اقش تايۆانعا شابۋىلدىڭ الدىن الۋ ءۇشىن بەيجىڭنىڭ كۇش-جىگەرىنە قارسى تۇرۋى كەرەك" دەدى. وسى جىلى قىتايلىق اسكەرلەر ارال ەلدەن جوعارى اۋە جاتتىعۋلارىنان باسقا، تايۆانعا شابۋىل جاساۋعا دايىندىق رەتىندە وڭتۇستىك جۇڭگو تەڭىزىندە شاپقىنشىلىق جاتتىعۋ وتكىزگەن. بيلىكتەن كەتىپ بارا جاتقان پرەزيدەنت دونالد ترامپتىڭ كەزىندە تايۆان مەن اقش بىرنەشە ميلليارد دوللارلىق قارۋ-جاراق كەلىسىمشارتتارىن جاساپ، ەرىكتەستىك ورتاتقان.
اۋعانستانداعى اقش پەن ناتو كۇشتەرىنىڭ بۇرىنعى قولباسشىسى "Axios" اقپاراتتىق اگەنتتىگىنە قىتايدىڭ تايۆانعا شابۋىلىنىڭ كۇشەيۋى تۋرالى ايتتى.
گەنەرال ماككريستال جۇڭگو حالىقتىق-ازاتتىق ارمياسىنىڭ "اسكەري الەۋەتى ساراپشىلار باعالاعاننان الدەقايدا تەز وسكەنىن" ايتىپ، سايلانعان پرەزيدەنتتى قىتايداعى سوعىس قاۋپىنە جەڭىل قاراماۋعا شاقىردى.
ول "مەنىڭ الاڭداۋشىلىعىم بار، ءبىز ءبىر كۇنى تاڭەرتەڭ ويانعاندا مىناداي حابار ەستۋىمىز مۇمكىن: جۇڭگو جاقىندا ءبىر ءىستى جاسادى. ولار جاڭا عانا تايۆاندى راكەتالارمەن جاۋدىردى" دەدى ول.
وتستاۆكاداعى گەنەرال قىتايدىڭ گيپەرتونيكالىق زىمىراندار جاساۋىن ولاردىڭ اسكەري قابىلەتتەرىندەگى باستى وزگەرىس رەتىندە اتادى جانە ۆاشينگتوننىڭ قاۋىپ-قاتەرگە جاۋاپ بەرۋىنىڭ "ۋاقىتى كەلدى" دەدى.
پىكىر قالدىرۋ